Plantun de Prouvènço

Pèr coumpara dos planto d'encò nostre

Rumex cristatus & Vicia sallei

Rumex cristatus

Polygonaceae

Noms en français : Patience à crêtes, Rumex à crêtes.

Descripcioun :
Aquesto paciènci es uno grando erbo di làrgi fueio en cor à la baso emé d'enflourejado longo e denso. Es uno planto que nous vèn di Balkan. Se recounèis bonodi si valvo tant larjo que longo (5 à 8 x 5 à 8 mm) e qu'an uno pichoto cresto.

Usanço :
Li fueio de la paciènci-à-cresto soun acampado e manjado dins soun pais d'óurigino (Grèço, Sicilo, Turquìo...). Jouino, li fueio podon èstre manjado cruso, mai pu vièio, soun proun amaro e li fau faire bouli (poussible emé de la). Ramentan que faudrié pas trop n'en manja malodi l'acide óussali.

Port : Grando erbo
Taio : 0,6 à 1,2(2) m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : 4 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Ermas - Camin
Estànci : Mesoumediterran
Couroulougi : Óurigino mediterranenco-Nord-Ouèst
Ref. sc. : Rumex cristatus DC., 1813

Vesso(-de-Sallè)

Vicia sallei

Fabaceae Leguminosae

Nom en français : Vesce de Sallé.

Descripcioun :
Atroubarés dificilamen aquesto vesso dins li libre franchimand, pamens sèmblo bèn presènto e bèn diferènto. Es uno pichoto planto de mens de 20 cm emé de flour peréu pichoto (< 12 mm) e d'alo pu acoulourido que l'estendart, de fueioun en long e prim, e subretout de dóusso cuberto de péu courtet e aplata.

Usanço :
Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).